යකාගෙ කොලම 𝚈𝙰𝙺𝙰𝙶𝙴 𝙺𝙾𝙻𝙰𝙼𝙰

"අවම බලය...." බලන්න ඒක කොච්චර ලස්සන වචනයක් ද?ඒ වචනයට අනුව⁣ මොකක්හරි දෙයක් බොහොම සාමකාමීව ශේප් එකේ විසඳුව කියන හැඟීමක් එනවා.2012 වැලිකඩදිත් අවම බලය පාවිච්ච් කරද්දි 27ක් සිරකරුවො මැරෙනවා.2020 මහර බන්ධනාගාරයදි අවම බලය පාවිච්චි කරද්දි 10ක් පමණ මිය යනවා.තව 70කට අධික පිරිසක් තුවාල ලබනවා.නිරායුධ සිරකරුවො පිරිසක් පාලනය කරන්න හිමිවෙන අවම බලය එහෙම එකක්. ඊට පස්සෙ හිතෙනව එහෙම අවම බලයක් පාවිච්චි කළාට කමක් නැද්ද කියල.කාගෙන් හරි ඇහුවොත් කියන්නෙ, "ඔහොමහරි මරල දාපු එක හොඳයි.නිකං මොකටද ඕකුන්ට කන්න දිදි තියාගන්නෙ.අනික උන් තමයි මේ රටේ පොඩි උන්ට කුඩු දීල උන්ගෙ ඔලු කන්නෙ." අවම බලය ගැන සිංහල බෞද්ධ කෙනෙක්ගෙන් ඇහුවත් උත්තරය ඕකයි.අංගුලිමාලගෙ කතා එයාලට වැඩක් නෑ.බෞද්ධ,ක්‍රිස්තියානි,හින්දු ඔය මොන ආගමක උනත් තියන දර්ශනය මෛත්‍රිය උනාට සමාජයට එද් දී පොරක් වෙන්නෙ "මං හිටියනම් ඕකට හිරේ ගිහින් චූන් එකෙ ඉන්න අතක් පයක් ඉතුරු කරන්නෙ නෑ" වගේ දෙයක් කිව්වොත් නේද? තවත් අමතක වෙන දෙයක් තියනවා.සැකකරුවො විදිහට ඉන්න සිරකරුවො ඇතුළු සිරකරුවො මරන රජයේ සන්නද්ධ අංශවල සෑම බයිනෙත්තුවකින්ම පිටවෙන සෑම පතුරොමක්ම ...

කරැල්ලක් රැල්ලක් නෙවෙයි වළලක් වෙනුවෙන් හරි එකතු වෙන්න තරුණ සමාජ සංස්කෘතියක් ගැන අත්දැකීම් තිබ්බෙ 90ගනන් හරි ඊට ඉස්සෙල්ල තරුණ සමාජෙට.89 පස්සෙ තරුණ කල්ලි ගැහෙන එක ඉවරයක් වෙනවා.89 පස්සෙ රැස් වෙන්න විතරක් නෙවෙයි රැස් වෙන්න හේතුවක්වත් නැති විදිහට සමාජය අධ්‍යාපනය,සල්ලි පස්සෙ දුවන්න ගන්නවා.ඊට පස්සෙ දේශපාලනයට,කලාවට,නාට්‍යක් කරන්න විතරක් නෙවෙයි නිකමට වළ බහින්නවත් එකෙක් නැති වෙනවා.90වෙන් ඒ කල්ට් එකේ දේශපාලනය හරය සම්පූර්ණයෙන්ම විනාස වෙනවා.ඒත් දැන් පොඩි දේශපාලන ඇරියස් එකකුත් තියාගෙව තාප්පලවල චිත්‍ර අඳිනවා.ඇතුළ ජරා වෙලා තියෙද්දි එළියෙ පාට කරන්නෙ ඇයි කියල ගොඩක් අය කෝචෝක කරල තිබ්බ.ඒ කතාවෙ ඇත්තක් තිබ්බත් දේශපාලනය⁣⁣ට,නාට්‍යකට,ප්‍රදර්ශනයට රැස් නොවෙන පිරිසක් මගියන්ගෙ ඇස් පුරවන්න චිත්‍ර අඳින එකේ සාධනීය දෙයක් තියනවා.⁣ඒ තරුණයන්ගෙ දේශපාලනය කොයි වගෙ උනත් මේ තරමින් තාප්පවල චිත්‍ර අඳිනවා වගෙ අර්ටිස්ටික්,පොලිටිකල්  වැඩකට ගමෙන් එහෙන් මෙහෙන් රැස්වෙන එක වටින දෙයක්.ඒකෙ රහ දකින ගමන් ද්‍රරිද්‍රතාවය වගේ සාර්ව ප්‍රශ්න ගැනත් සංවාදක් හදන එක තමයි මේ වෙලාවෙ අපිට ඕනි දේ. ඉසුරු උදාකර යකන්දාවල  2019 / 12 / 01

හැමෝම කියනවා ත්‍රස්තවාදයට ආගමක් නෑ කියල.... එයාල ගේන උදාහරණ තමයි ත්‍රස්තවාදය එච්චර හිංසනීය ප්‍රචණ්ඩ වෙන්න බෑ ත්‍රස්තවාදීන්ට ආගමක් අදහනවනම් කියල... එතකොට හිතෙනවා ආගමක් තියන කෙනෙක්ට ප්‍රචණ්ඩ වෙන්න බෑ වගේ අදහසක්.... තවත් අතකින් ත්‍රස්තවාදීන් ම්ලේච්ඡ නිසා ආගමක් නෑ....ඒත් මට ආගමක් තියනවා....ඒ නිසා මං හරී හොඳයි වගේ අදහසකුත් එනවා.... ආයේ අපි නිකං ඉන්න ගමන් හිතුවොත් අපිට ආගමක් තියන නිසා තමයි ත්‍රස්තවාදය ඇති වෙන්නෙ කියල... එත⁣කොට කවුද ත්‍රස්තවාදියා....?

ලංකාවේ තරම් චන්ඩි ඉන්න රටක් හොයාගන්න ලෝකෙ කොහෙවත් නෑ.මේ ළඟ දී පොඩි ළමයෙක් ඉස්සරහ වැඩිහිටි මනුස්සයෙක් සරම උස්සල තිබ්බා.ඒක Cctv වල තිබිලා දෙරණෙ ගිහින් චතුර අල්විස් ශෙයාර් කරල තිබ්බා නරුමයො කියල.එයාලගෙ ප්‍රවෘත්ති වාර්තාකරණය එහෙමයි. මානසික ගැටලු තියන මිනිස්සුව නරුමයෝ කරල පෙන්නපු ඒ වගේ මාධ්‍ය නිසා තමයි මේ වගේ ප්‍රශ්නවලට තවම රටක් විදිහට අපිට  විසඳුම් හොයාගන්න බැරි වෙලා තියෙන්නෙ..... සිරියාවති නැන්දගෙ රොයිටරේ ඔයිට හොඳයි😂 ඔය වගෙ ගැටලුවලට නීති තර්ක ගෙනවා කියල කිසිම දෙයක් වෙන්නෙ නෑ....😂 ඒත් ඒ චතුරගෙ පෝස්ට් එකටම කොමෙන්ට් කරපු අයියල සෙට් එකක් හිටියා.එයාල කියල තිබ්බේ, "ඔකුන්ව එල්ලන ඕනි." "මං හිටියනම් ඕක ඉවරයි" "හොඳ වෙලානට මං වගේ එකෙක් ඔතන නොහි⁣ටියෙ.හිටියනම් ඕකගෙ අතපයක් නෑ" "සහගහනව ඕකුන්ට" "මං හිටියනම් ආයෙම ඕකට පේන්නන් එකක් නැති කරනවා" ඉස්සර 70/80 කාලෙ ෆිල්ම් එකක් බැලුව වගේ නේද?ඔය මොන අයියල හිටියත් ඇමරිකාව ලෝකෙට අයියා, චීනෙ ආසියාවට අයියා, කියුබාව සෞඛ්‍යට අයියා, ඉන්දියාව ළඟ ගෙදර අයියා.අපි ඔය කොයි කාටත් මල්ලී.හැබැයි රට ඇතු⁣ළේ,ෆේස් බුක් එක ඇතුළෙ ළඟ...

එකෝමත් එක දවසක, කාලෙකට කලින් ඉඳන් දන්න කියන සහෝදරියක් හම්බුනා.ඉඳගන්න තැනක් හම්බෙලා ඔහෙ ටිකක් කතා කර කර හිටියා.එයා නෝමල් ටයිප් සරල ගති තියෙන ලස්සන ළමයෙක්.ටික වෙලාවක් එයා එක්ක කතා කරගෙන ගිහින් මං මෙහෙම ඇහුවා, මම:- ඔයාට කොල්ලෙක් ඉන්නව ද? එයා:- නෑ අනේ.දැන් ම ඕවා ගැන හිතල බෑ...හී..... (එයාට හිනා) මම:- කොල්ලෙක් ගැන හිතන්නෙ නැත්නම් කෙල්ලෙක් ගැන ද හිතන්නෙ.... එයා:- අපෝ....ඊයා.....අයියේ....මොනවද අනේ කියන්නෙ...මටනම් එහෙම අයව පෙන්නන් බෑ... මම:- ඒ මොකෝ.... එයා:- මටනම් දැක්කමත් අප්පිරියයි...සමහර කෙල්ලො තව කෙල්ල්ගෙ ඇඟෙ දැවටි දැවටි යනවා... දකිද්දිත් එපා වෙනවා....කොල්ලොත් ඔහොම වැඩ කරනවනෙ...කොල්ලන්ට මේ රටේ වෙන කෙල්ලො නැතුවද.....ඉන්නකෝ පෙන්නන්.....බලන්⁣නකෝ ඒ වගෙ කැත.... ( එයා මට ෆෝන්  එක ඇඳල ෆේස් බුක් එකේ තියන කෙල්ලො කෙල්ලන්ව කිස් කරපුවයි.කොල්ලො⁣ කොල්ලන්ව කිස් කරපුවයි පෙන්නන් ගත්තා.ඒවාගෙ කමෙන්ට් පෙන්න පෙන්න හිනා වෙන්න ගත්තා.හිනා වෙද්දිනම් තව ලස්සනයි ) මම:-  ඉතින් දැන් ඔහොම ලව් කළාම තියන අවුල මොකක් ද? එයා:-  ශිට්....ඔයා මාර කතානෙ අහන්නෙ...මේ රටේ සදාචාරය කන්නෙ ඕකුන්...මං කියන්නෙ ඔය වගේ උන් එක්කෝ හිර...

අපි ගොඩක් වෙලාවට හිතනවා අපිට මාර වැඩ කරන්න මාර දේවල් කරන්න ඕනි.මාර දේවල් අපි ගාව තියෙන්නොනි කියල.ඒත් My Name Is Khan චිත්රපටිය බැලුවම අපි විශ්වාස කරපු දේවල් එළියට දාලා අලුතින් දේවල් හිතන්න ගන්න වෙනවා. පළවෙනිම දේ තමයි අපි විශ්වාස කරන ජාතිය කියල දෙයක් තියනවාද කියන ප්රශ්නය.චිත්රපටයේ පුරාවට අපෙන් අහන්නෙ ඇයි මෙහෙම බෙදීමක් ඇති කරගත්තෙ කියල.ඇමරිකාව කියන්නෙ ලෝකයෙ යුධමය බලය වැඩිම රට උනත් ඇමරිකාවෙ ලෝක වෙළඳ මධ්යස්ථානයට ප්රහාරයක් එල්ල වෙනවා.ඒ සමඟ ප්රහාරයෙන් ඇති උන භීතිය නිසාම ඇමරිකාවේ මාර නියම පුරවැසියෝ ටිකක් ඉන්නව කියල අපි හිතාගෙන ඉන්න රටෙත් මුස්ලිම් විරෝධී ප්රචන්ඩත්වයක් ඇති වෙනවා.⁣කඩ කුඩු කරනවා,හිජාබ් ගළවනවා වගේ එක එක විදිහට ප්රචණ්ඩත්වය එළියට එනවා.ඛාන්ටත්(ශාරුක් ඛාන්) මෙ පීඩාව එල්ලවෙන්නෙ තමන්ගෙ දරුව හරහා.තවත් දරුවන් පිරිසක් ඛාන්ගෙ දරුව ඝාතනය කරනවා.තියරිය හරි සරලයි සම්ප්රදායිකයි.කෙනෙකු මගෙ කෙනෙක් ඝාතනය කළහොත් මාත් ඔහුගෙ අයෙකු ඝාතනය කළයුතුයි.තමාගෙ දරුවා ඝාතනය වීම නිසා කතාවෙ මුඛ්ය චරිතය වෙච්චි ඛාන්ගෙ බිරිඳ(කාජල්) මන්දිරා(ඇය මුස්ලිම් නොවේ) ඛාන්ගෙන් අයින් වෙනවා.ඇය කියනවා ඛාන් කෙරෙ⁣හි තමන්ගෙ හිතෙ...

" මේ වෙලාවෙ ඔබ සිටින්නේ හීනකයද?තවම ඒකෙන් ඇහැරුන්න නැද්ද?මව් කුසින් ඉපදීම ඒ සිහිනයේ පළමු දර්ශනයද?එකවරම එයින් අප අවදිවෙව්ද?ඔබ මේක කියවන්නෙත් හීනෙන්ද?මේක හීනයක් නම් යථාර්ථය කොහෙද?" සිහිනය හා යථාර්ථය අතර බෙදුම් රේඛා නැත.මෙපිට සිහිනයක්ය.එපිට යථාර්ථයක්ය යන්නක් නැත.අපි මේ ඉන්න ජීවත් වෙන්න තටමන තැන යථාර්ථයයි සිතමු.නමුත් "නිනෝ ලයිව්"වලට එද්දි දවස් හතම පැය විසිහතර පුරා විකාශනය වන ටෙලියක චිත්‍රාගාරයක් තුළ ඉපිද එය යථාර්ථය ලෙස සිතා වසර 18ක් ගත කීරීම ප්‍රේමවන්තියන් 1000කගෙන්  රැවටෙනවාට වඩා දුෂ්කරය.චිත්‍රපාටයේ මුල් අර්ධය පුරාවට අප ඒ චිත්‍රගාරයේ සැඟවූ කැමරා (hidden camera) ඉදිරියේ අනෙකුත් නලුවන් මගින් මෙහෙයවන යථාර්ථයක ජීවත් වේ.නිනෝ ඉපිද වසර 18ක් ගෙවී චිත්‍රාගාර බිත්තිය සිදුරු කරන තෙක්ම අපද එහිම යථාර්ථය ලෙස සිටින සිරකරුවන්ය.නිනෝ සමඟ කයි, බොයි,ප්‍රේම කරයි.සැබවින්ම ලෝකය තුළ මහානුභවයෙන් වසන අප වසන්නේද අනෙකාට ඇවැසි ලෙස අනේකා විසින්ම සිරිත් විරිත් ලියා දුන් මායාවකම නොවන්නේද?නිනෝ යනුද අපි වැනිම එකෙකි. නිනෝ,නූනු නැමති තමන්ගේ පෙම්වතිය නිසා චිත්‍රගාරය සිදුරු කිරීම නිසා අප වැටෙන්නෙ යථා...

මිනිසා නොයෙක් අශාවන් පෙරටු කරගෙන සිටියි.ආහාර,බලය,ලිංගිකත්වය ඒ ආශාවන්ගෙ ආවර්තිතගත කිරීමේ දී ප්‍රමුඛ හා ප්‍රසිද්ධ ඒවා වේ.ඒවායෙන් ඔබ්බට ඇති හිංසනයේ ආශාව නොහොත් ආතල් එක inglourious basterd තුළ විහිදෙන චාරිත පුරා සංසරණය වෙයි.නාසි හිංසනයද ඒ හිංසනයට විරුද්ධව යොදාන ප්‍රති-හිංසනයද අතිවිනෝදාත්මක අයුරකින් සලරුව තුළ දිවෙන අතරම ඒ සමඟ සුසැදි වේග රිද්ම සංගීතයක්ද වාදනය වෙයි.(අප එදිනෙදා ජිවිතයේදි පට්ට ආතල් එකේ හිංසන ක්‍රියා කිරිමම මතක් වනු ඇත)ඒ හිංසනය තුළම අපද ගමන් කරන්නෙ ද ආශ්වාදයෙනි.චිත්‍රපාටයේ අවසානයේ යුදෙව් තරුණියගේ ඝාතනය රෝස මලක පෙති සුළඟට විසිරෙනවා වැනි සෞන්දර්යකින් ඉදිරිපත් කරයි.මිනීමැරීම එතරම්ම චමත්කාරජනකය.නමුත් අවාසනය දක්වා චිත්‍රපටය නරඹන ප්‍රේක්ෂකයා, අධ්‍යක්ෂකයා විසින් මවන අප විසින් ආශ්වාදනය කරන හිංසනයේ නින්දිත බව වටහාගනි.හිංසනය තුළින් හිංසනය පිටු දැකීමට චිත්‍රපටය ආයාචනය කරන්නෙ අපූර්ව ශෛයිලියකිනි. අවසාන වශයෙන් චිත්‍රපටය නින්දිත ම්ලේච්ඡ අවජාතක රැලකගේ කතාවක් වන අතර අපව ඒ හිංසනයේ පාර්ශවකරුවෙකු කොටගෙන අවසානයේ අතහැර දමන්නෙ ඒ හිංසනයම පිටු දකින ශිෂ්ටත්වයේ සිහිනයකටය. ඉසුරු උදාකර යකන්දාවල 2019 / 07 ...

මරණයක් යනු ක්ෂතිමය අත්දැකීමකි.(Traumatic Experience)මේ ⁣එසේ මරණීයත්වයේ ආශක්තතාව තුළ සිට ගමන් කරන ලද කතාවයි.... මිනිස් ජිවිතය යනු ජීවත් වීමට පමණක් නොව මරණය සඳහාද ආශව දිශානත කරන ලද නිර්මාණයකි.ඒ අනුව අතීතයේ සිටම මරණීයත්ය තුළින් මිනිසා ජීවිතය සොයා ගියහ.ප්‍රේමවන්තයින් ෆූජීයාම කන්දෙන් බිමට පැන්නෙ ඒ නිසාය.ශාස්තෘවරුන් අත්තඛිලමතානුයෝගයට බැදුනේ ඒ නිසාය.තවදුරටද නූතන ධනවාදී  සමාජ දේහය තුළ ඇල්බෙයා කෙමු වැනි සාන්දෘෂ්ටික ලේඛකයින් ස්වයං ඝාතනයද තම අයිතියක් ලෙස සළකන ලද්දේ මේ හෙයිනි. ධනවාදය තුළ සාමාජය අධිවේග⁣යෙන් අලුත්වැඩියා කරනු ලබයි.ඒකි අලුත් වැඩියාව තුළදී සංස්කෘතීන් භාෂාවන් කලාවන් විසරණය වීම මෙන්ම විනාශ වී යාමද නව සංස්කෘතීන් බිහිවීමද සිදුවිනි.එකී තර්කනය තුළ නව අධිරාජ්‍යවාදයක් ගෝලීය සමාජය තුළ බිහිවුනු අතර ඇමරිකාව හා යුරෝපා රටවල් පශ්චාත් යටත්විජිත ලෝකය තුළ ධනවාදී ප්‍රවාහයේ අධිපතිවාදී නියමුවෝ වුහ.සිහි විසංඥ කරවන මෙකි ප්‍රවාහය තුළ ඇමරිකාව අැතුලු අධිරාජ්‍යවාදය තෙල් සුවඳ හරහා මැදපෙරදිගට පැමිණියහ.සංස්කෘතියට එදිරිවමින් අධිරාජ්‍යවාදී-ධනවාදී හස්තය මැද පෙරදිග පුරා ගමන් කරද්දි පවතින ධනපති ක්‍රමවේදට විසඳුම ලෙස...

ගින්නෙන උපන් අරුමැසිය ලාංකීය මෙන්ම විදෙස් තලවලද වැඩි ප්‍රෙක්ෂක අකාර්ෂණයට බඳුන් වූ සිනමා නිර්මාණ පවති.අශෝක හඳගමගේ 'ඇගේ ඇස අඟ' චිත්‍රපටයට විචාර 50කට අදික සංඛ්‍යාවක් ලියවී ඇතැයි කියවේ.ඒවා චිත්‍රපටයට ඇගයුමක් හෝ ගැරහුමක් වුවද ඒ තුළින් විදග්ධ ප්‍රෙක්ෂක නැමියාවක් එම චිත්‍රපටයට ලබා ගත හැකිව තිබේ.'ගින්නෙන් උපන් සීතය එය අභිබවා යමින් කුඩා මිතුරු එකමුතු තුළ සිට විචාර වීමංසන දක්වා කතාවට ගැනෙන හා සමාජ ජාල තුළ අප්‍රමාණ කතා බහට ලක් වූ කෘතියකි.නවමු ශානරයක් වෙත සිංහල සිනමාව මේ තුළින් අත්පොත් තබනවා වීම ද සුවිශේෂයකි.විජේවීරගේ චරිතය අලලාම නිර්මාණය වීම නිසා ම සරල රසිකත්වයක සිට ඉහළට ප්‍රෙක්ෂක පාරසයක් කරා දිව යයි. මේ හේතුවෙන් වීජේවීර හා ලාංකීය විමුක්තිකාමී වම සර්ව පාන්තික භාෂාවක් බවට පත්ව ඇත.ශානරයක් වශයෙන් චරිතාපදාන සිනමා කෘතියක් යන මෙය තුළින් පෙර පැවති ලාංකීය ගෝ‍ත්‍රික සිනමාව යම් වෛෂික ආස්ථානයකට ගෙන එයි.ඒ හැරෙන්නට මෑත ක⁣ලයේදී ලාංකීය සිනමාවෙ බිහි වූවේ අතීත.කතා තුළ සිටින මිනිසුන්ගෙ රළු ප්‍රතිචාර රැගත් චිත්‍රපට පමණි. දුරස්ථීකරණය යන වදන සමස්ත දේශපාලන මෙන්ම කලා විෂය පරාසය තුළ ද සකච්ඡාවට ගැනෙන වචනයකි...

හෙටක් උදෙසා...... ______________________________ ලාංකීය දේශපාලන ඉතිහාසය තුළ අරගලය ජීවය කොටගත් විඛල්පය ගවේෂණය කළ දේශපාලනික චරිත දෙකක් පිළිබඳව සංස්කෘතික අස්ථාන දෙකක් මත පිහිටි චිත්‍රපට දෙකක්.ඔබ විමසන විමුක්ති කුමක් උවද නිදහසින් පසු ලාංකීය තාරුණය පීඩිතයන් වෙනුවෙන් නැගී සිටීමට දිවිහිමියෙන් අවිදරා ඒකරාශි වූයේ මේ මිනිසුන් දෙදෙනා වටාය.රාමුගත කණ්ණාඩි ගලවා ලාංකිකයන් ලෙස මේ ඓතිහාසික චරිත දෙක පිළිබඳ සිනමාත්මක ගවේෂණයක් තුළින් දේශපාලනික අර්ථ පූරණයක් සපයා ගැනීම මේ නිමේෂය තුළ අතිශයින් වැදගත්ව ඇත. ඉසුරු උදාකර යකන්දාවල  2018 / 11 / 27

දේශප්‍රේමීන්ගේ අවධානයට.....      ~~~~~~~~~~~~~~~~ දේශප්‍රේමය,ජාති ආලය,රණවිරු ගෞරවය යන සියල්ල බලය නොලැබීයා⁣ම සමඟ වෙනස් අතකට පෙරළිය හැකිය.දේශප්‍රේමය එක් අයෙකුට,පක්ෂයකට ලියා දුන් ජනතාවගේ අවධානය පිණිසයි. දේශප්‍රේමය තිබිය යුත්තෙ ඔබ තුළ මිස ඔබ වන්දනා කරන පක්ෂය හෝ මිනිසෙකු සමඟ නොවේ. ඔබ දේශප්‍රේමීයෙකු වන්න.පාලකයාද ඒසේම වේ. අවම වශයෙන් පාරේ යන විට කුණු දමන්නෙ නැතුව සිටින්න.ළඟ ඉන්න එකාට වළ නොකපා සිටින්න.අනෙකාට ගරු කරන්න.අනෙකාට පෙර තමන්ගෙ මව්පියන්ට ගරු කරන්න.වෙන කාටවත් ආදරේ කරන්න බැරිනම් පේමවන්තයාට වන්තියට අවංකව ආදරේ කරන්න.රට ජාතිය අාගම පිළබඳ කිසිඳු වගකීමක් නොදැරුවාට කම් නැත.අවම වශයෙන් රට වෙනුවෙන් තමන්ගේ අසල්වැසියාට ප්‍රේම කරන්න.ගරු කරන්න.දේශප්‍රේමියෙකු වන්නෙ තමා හැසිරෙන විලාසයෙන් පමණක් බවත් තමන් ඡන්දය ලබා දෙන්නාගෙන් නොවන බවත් ඉඳුරා විශ්වාස කරන්න. සරලවම,"දේශප්‍රේමියෙකු වීමට පෙර ළඟ ඉන්න කෙල්ලට(කොල්ලට) අාදරේ කරල ඉන්න"ඉනික්බිති,අපි දේශයට ප්‍රේම කරමු....... ඉසුරු උදාකර යකන්දාවල  2018 / 11 / 16