සිහිනයත් යථාර්ථයත් අතර කැලතෙන මොහොතක් -"නිනෝ ලයිව්"

"මේ වෙලාවෙ ඔබ සිටින්නේ හීනකයද?තවම ඒකෙන් ඇහැරුන්න නැද්ද?මව් කුසින් ඉපදීම ඒ සිහිනයේ පළමු දර්ශනයද?එකවරම එයින් අප අවදිවෙව්ද?ඔබ මේක කියවන්නෙත් හීනෙන්ද?මේක හීනයක් නම් යථාර්ථය කොහෙද?"

සිහිනය හා යථාර්ථය අතර බෙදුම් රේඛා නැත.මෙපිට සිහිනයක්ය.එපිට යථාර්ථයක්ය යන්නක් නැත.අපි මේ ඉන්න ජීවත් වෙන්න තටමන තැන යථාර්ථයයි සිතමු.නමුත් "නිනෝ ලයිව්"වලට එද්දි දවස් හතම පැය විසිහතර පුරා විකාශනය වන ටෙලියක චිත්‍රාගාරයක් තුළ ඉපිද එය යථාර්ථය ලෙස සිතා වසර 18ක් ගත කීරීම ප්‍රේමවන්තියන් 1000කගෙන්  රැවටෙනවාට වඩා දුෂ්කරය.චිත්‍රපාටයේ මුල් අර්ධය පුරාවට අප ඒ චිත්‍රගාරයේ සැඟවූ කැමරා (hidden camera) ඉදිරියේ අනෙකුත් නලුවන් මගින් මෙහෙයවන යථාර්ථයක ජීවත් වේ.නිනෝ ඉපිද වසර 18ක් ගෙවී චිත්‍රාගාර බිත්තිය සිදුරු කරන තෙක්ම අපද එහිම යථාර්ථය ලෙස සිටින සිරකරුවන්ය.නිනෝ සමඟ කයි, බොයි,ප්‍රේම කරයි.සැබවින්ම ලෝකය තුළ මහානුභවයෙන් වසන අප වසන්නේද අනෙකාට ඇවැසි ලෙස අනේකා විසින්ම සිරිත් විරිත් ලියා දුන් මායාවකම නොවන්නේද?නිනෝ යනුද අපි වැනිම එකෙකි.

නිනෝ,නූනු නැමති තමන්ගේ පෙම්වතිය නිසා චිත්‍රගාරය සිදුරු කිරීම නිසා අප වැටෙන්නෙ යථාර්ථයටය.එනම් මේ අපි ඇත්ත කියා සිතා සිටින මංගල්‍යයටය.එහිදි අපිට හමුවන්නෙ යථාර්ථ ලෝකයේ පෙම් යුවලක් වන "නෝනිස්" හා "රුචි" ය.නොඉවසිලිය හැකි කරුමය වන්​නෙ නිනෝ විසින් තමන් සිරකරගෙන සිටි චිත්‍රාගාරයේ තුන් තිස් පැයේ පෙන්වූ ටෙලියේ ෆැන්සියට ටෙලිකතාවේ උග්‍ර රසිකාවක් වන "රුචී" ආකර්ෂණය වී සිටීමයි.ඇය තමගේ පෙම්වතා නිනෝ ලෙස සකස් කිරීමටද තමන් නිනෝගේ පෙම්වතිය වන නුනූ ලෙස පෙනි සිටීමටද මහත් වෙහෙසක් දරයි.චිත්‍රපටය අවසන් වන්නෙ රුචි හා ඇගේ පෙම්වතා නොනිස් පැය 24 පුරා දින හතේම විකාශය වන ටෙලියක ශ්‍රමිකයන් බවට කැමැත්තෙන් පත් වීමයි.නිනෝ විසින් පලා ගිය මායාව තුළට නොනිස් හා  රුචි කැමැත්තෙන්ම රිංගා ගනී.එයින් වන්නෙ ඔවුන් මයා යථාර්ථයක වහලෙක් ලෙසට සිය කැමැත්තෙන් ම යොමු වීමයි.එදින සිට ඔවුන්ගෙ ජීවිත දෙක චිත්‍රගාරය තුළ නිනෝ හා නුනූ ලෙස අධ්‍යක්ෂකයාට අවැසි ලෙස රඟපාමින් ගමන් කරයි.ඔවුන් සිදු කර ඇත්තෙ යථාර්ථයේ සිට සිහිනයකට පසු බැසීමයි.අපි ද රුචි ලෙසටම ඇස් පැලෙන සත්‍ය ඉදිරියේ තිබියදීත් මායව තුළට ගුලිවන මායවේ වහලුන් වෙමු.

කතාවේ අර්ධ දෙකට මැදි වන අප අවසානයේ හිර වන්නෙ අපි මේ සිටින්නෙ මායාවක ද?නැතිනම් යාථාර්ථයෙන් මායවට පසුබසිමින් ද?මේ දෑස් පාන පිට සිදුවන දේ සමඟ මෙය මායවක් ද විය හැකිය.මේ සිදුවන දේවල් සමඟ නිර්වින්දනය වෙමින් බොරුව සමඟ ඒකත්මික වන අප සදාකාලිකව චිත්‍රකාගාරයක වහලුන්  වැනි ද විය හැක.නිනෝ ලයිව් අවසන් වන්නේ යාථාර්ථය හා මායව අතර ඇති බෙදුම් රේඛා මකමින්"යකෝ මේක ඇත්තම මඟුලක්ද නැත්තන් මායවක්ද" යන බිහිසුණු පැනය ඔලුව ඇතුලෙ කැරකෙන විටය.තිසර ඉඹුලාන නිනෝ ලයිව් කරන්නෙ "යකෝ උඹල කොහෙද ඉන්නෙ කියල උඹලවත් දන්නෙ නෑ නැඟිටපන්.නැඟිටල හොයල බලපන් ජිවත්වෙනවද කියල"යන රැඩිකල් ආරාධනය සමඟය.

"ඒසේනම් මිත්‍රවරුනි දැන්වත් දෑස් හැර බලන්න!"

ඉසුරු උදාකර යකන්දාවල 

2019/ 07 / 18