කත්නෝරුවේ හාමුදුරුවෝ සෝශල් මීඩියා එක්ක සෑහෙන්න ජනප්රිය වෙලා. බණ අහන එක වෙනම ට්රෙන්ඩින් වැඩක් වෙලා තියෙනවා. සෑහෙන්න විසිතුරු විදිහට හාමුදුරුවන්ව පිළිගන්න පුද පූජාවන් කරනවා. මං කියන්නෙ ඒ වගේ සංදර්ශනාත්මක ආගමික වැඩ දකින්න හම්බෙන එක හොඳයි. රට සෞන්දර්ය වගේ ම ආධ්යාත්මික නැඹුරුවටත් එක්ක මේ වගේ ආගමික සංදර්ශනාත්මක සංස්කෘතික අංග ධනාත්මකයි කියලයි මගේ අදහස. ඒ වගේම මේ කරන හැමදේම බෞද්ධ ජනතාව මැදිහත් වෙලා ස්වෙච්චාවෙන් හා ශ්රද්ධාව පෙරදැරි කරගෙන කරන්නෙ. නිදහස් රටක මේක සාමාන්ය දෙයක්.
ඒත් සෑහෙන්න ලිබරල් අයිතීන් වෙනුවෙන් පෙනී ඉන්න ප්රගතිශීලි වගේ ඉන්න අය මේකට ගහන්නෙ? පේන විදිහට කෙටි කාලයක් ඇතුළත තරුණ ස්වාමීන් වහන්සේ නමක් විශාල ජනප්රියත්වක් ලබා ගෙන තියනවා. ඒකට ඊර්ෂ්යා කරල තේරුමක් නෑ. අනික මේ වගේ බණ අහන්න යන පුද පූජා කරන්න යන්නෙ හෙන මෝඩයෝ කියල කියන්න උත්සහ කරනවා. ඒකත් මාර පසුගාමී අදහසක්. කෙනෙක් තමන්ගෙ ස්වකැමැත්තෙන් සහ වියදමින් තමන්ගෙ විශ්වාසය වෙනුවෙන් ඒ වගේ දෙයක් කරන එක නිදහස් සමාජයක සාමාන්ය දෙයක්. අනික් දේ තමයි, දළඳා පෙරහැරට, දළදා තේවාවන්, දේවල පෙරහැර වගේ දේවල්වලට රජයේ ජනතාව සතු මුදල්වල ඉඳන් මහා ධනස්කන්ධයක් වියදම් කරනවා. එහෙමයි කියල ඒවා නවත්තන්න ඕනි ද? ඒවාට විරුද්ධ නොවෙන අය ඇයි කත්නෝරුවේ හාමුදුරුවෝ නිසා ප්රබෝධමත් වෙලා ඉන්න දායකයින්ට විතරක් හිනාවෙන්නෙ. මේ වගේ ජනප්රිය වීමක් තුළින් එන බෞද්ධ ප්රබෝධයක් සමහර වෙලාට වාර්ගික, ජාතිවාදි පැත්තකට යන්න ඉඩ තියනවා. ඒත් තවම එහෙම තත්වයක්වත් පේන්න නැති වෙද්දි කත්නෝරුවේ හිමියන්ට ගල් ගසන්නෙ මොන ඇරියස් එකටද?
එන යන හැම එකටම පදනම් විරහිතව විරුද්ධ උනාම ඇත්තට විරුද්ධ වෙන්න ඕනි දේට නැඟෙන හඬ බාල වෙනවා. පරිස්සමින්!
Comments
Post a Comment