ඉරානෙ දිහා මං හුඟ කාලෙක ඉඳන් බලාගෙන හිටියා න්යෂ්ටික, නවීන අවි ආයුධ පස්සෙ හඹාගෙන ගියාට පසුගාමී ආගමික චින්තනයකින් වෙලා ගත්ත රටක් විදිහට. ඉරානය ශිෂ්ටාචාරයක් විදිහට, මිනිස් කොට්ඨාසයක් විදිහට නිර්භීත වගේ ම ශක්තිමත් ජාතියක්. වසර් දහස් ගානක නොනැසෙන අඛණ්ඩ ඉතිහාසයක්, කාලවක්,සෞන්දර්යක් තියන රටක්. ඒ දේවල් එක්ක අදටත් බලවත් ඇමරිකාව වගේ විශාල රටවල් එක්ක නිර්භීතව සටන් කරන ඉරානය ගැන බලා ඉන්න සතුට උපදවනවා. හැබැයි, කාන්තාවකට එළියට බහින්න බැරි ආගමික අන්තවාදෙකට ඉතාම මෑත කාලෙ යට වුණ මේ නිර්භීත ශිෂ්ටාචාරය සහ ජාතිය ගැන දුකක් නිතර ම තිබ්බ. මොකද 1979 දී ඉරාන ආගමික විප්ලය වෙන්න කලින් ඉතාම දියුණු සමාජයක් ඉරානය් තිබුණ. ඉරාන තරුණ තරුණියන් යූරෝපයේ තරුණ තරුණියන් වගේ ඇඳින පලදින නිදහස් රටක්. ඒ සියල්ල ආගමික රාජ්ය බිහිවීමත් එක්ක යටපත් වුණා.
ඒ වගේ ම, මං හිතපු දේ තමයි අවි බලයෙන් ඉරානය කවදාවත් ඇමරිකාවට යටපත් කරන්න බැරි උනාට දවසක යටත් කරගන්න පුලුවන් එක විදිහක් තියනවා. ඒ තමයි ඉරානය ඇතුලෙ තියෙන සාමාන්ය පුද්ගල නිදහස පාගල දාපු දැඩි ආගමික අධිකාරියේ පාලනය නිසා ඉරාන මිනිසුන්ගෙ සහ ගෑණුන්ගේ පීඩාව ඇතුළතින් පුපුරා යනවා කියල. ඒක තමයි ඇමරිකාවෙ අවස්ථාව කියල. මේ තියෙන්නෙ ඒ හිතපු සීරීස් එකේ එක එපිසෝඩ් එකක්.
ඒත්, ආගමික අධිකාරියට මේ වෙලාවෙ එක අවස්ථවක් තියනවා ලෞකික රාජ්යක් විදිහට එකවර නොමැති වුණත් ටික ටික පියවර තියන්න ඉඩ හදා ගන්න. මුස්ලිම් අන්තවාදයක් රට ඇතුලෙ තියෙද්දි වුණත් සෞදි ආරාබියේ ඔටුන්න හිමි කුමාරය මොහොමඩ් බින් සල්මාන් (MBS) හෙමින් හෙමින් කාන්තාවන්ට රිය පදවන්න අයිතිය ලබා දෙමින් සෞදි ආර්ථිකය නූතන සමාජයක් වෙනුවෙන් සුදානම් කරනවා. ඉරානයටත් මේක හොඳ සංඥාවක් සාමාන්ය පුරවැසියාව ආගමික පීඩාවෙන් තරමක් නිදහස් කරල නූතනත්වයට පියවර නගන්න. මේ ජනතාවගෙ පණිවිඩය තේරුන් නොගත්තොත් අද විරෝධතා මර්දනය කරගත්තත්, ඉරානයේ ආගමික රාජ්ය ජනතාවගේ ලෞකික නිදහස විසින් ඇතුළතින් පුපුරවන එක අනිවාර්යයි. ඒ වාසිය අරගෙන ඇමරිකාව හෝ වෙන බටහිර ජාතියක් වසර දහස් ගණනක් ඉතිහාසයක් හිමි ඉරාන ජාතිය දණගස්සවන්න යොදාගන්නා. මේ පාර ඒක කරගන්න බැරි උනත්. ඊළඟ පාර ඒක වෙයි. ඒ නිසා මේක ඉරානයට නැවත හිතන්න දුන්න පණිවිඩයක්. තවදුරටත් පැරණි ආගමික බර දම්වැල් දරාගෙන එතතැන පල් වෙනවා ද නැත්නම් නිදහස් නූතන ලෝකයකට අඩිය තියනව ද කියන තීරණය පමණක් ඉරාන ශිෂ්ටාචාරය හිමිවේවි. පණිවිඩය තේරුන් නොගෙන පණිවිඩකරුවාට වෙඩි තබනව නම් පණිවිඩය අහිමි වෙවි. ඉරාන වීරත්වයත් ඉතිහාසයට විතරක් ම සීමා වෙවී.
(පහළ රූපයෙන් දැක්වෙන්නේ, සිකරට් දැල්ලෙන් තමන්ගේ නිදහස පාගාගෙන සිටින ආගමික රාජ්යයේ නායකයාගේ රූපය පුළුස්සා දමන නිදහස ලෝකයක් ඉල්ලා සිටින තරුණියන්)
Comments
Post a Comment