තනිකම

ගොඩක් අය උඩ දාගෙන ශෙයාර් කරන අදහස්වලින් සෑහෙන්න පොපියුලර් ම අයිඩීයා එකක් තමයි 'තනිකම මාරයි' කියන එක. නිකං පෝස්ට් 10ක් ගත්තොත් 4/5ක් නම් තනිකමයි, ඒකෙ තියෙන වීරත්වයයි ගැන කියන. මුලින් ම කියන්න ඕනි  දේ තමයි එහෙම තනිකමක් අගය කරන මනුස්සයෙක් නම් ආයෙ ඉතිං පෝස්ට් ශෙයාර් කර කර ඒ ගැන අනික් අයගෙ එන්ගේජ්මන්ට් එක බලාපොරොත්තු වෙන්නෙ නෑ. තනිකම නම් තනිකම ආයෙ ඒක ගැන පබ්ලිකලි පෝස්ට් දානව කියන්නෙ ම එහෙම තනිකමක බලාපොරොත්තුවක් තමන්ට නෑ කියල. 

අනික් දේ තමයි තනිකම කියන්නෙ මාර පොසිටිව් ෆීලින් එකක් නෙවෙයි. ඒක මාර විදිහට පොසිටිව් විදිහට ප්‍රචාරය කරන්න ඕනි දෙයක් නෙවෙයි. පර්යේෂණවලින් හොයාගෙන තියන දෙයක් තමයි තමන් තනිකම එහෙම නැත්නම් Social Distance කියන එක නිසා මොලයට කර බලපෑම ඉහළයි කියන එක. තනිකම, හුදකලාව නිසා මොළයේ ජෛව රසායනය දිගු කාලීනව වෙනස් කරන බව හොයාගෙන තියනවා. තනිකම හෝමෝන, ප්‍රතිශක්තිකරණ, හෘද වාහිනීවලට අහිතකර ලෙස බලපෑම් කරනවා. තව ඒක මනස ව්‍යාකූල කරනවා. අවධානය හා මතකය අහිමි කරනවා. දිවි නසා ගැනීමට පොලඹවනවා. මේ මානසිකව වෙන හිරි හැරය නිසයි සිරගත කරල බාහිර ලෝකයෙන් තනිකිරීම දඬුමක් වෙන්නෙ. ඒ මානසික දඬුවම තමයි තමන්ගෙ වීරත්වය හරි තමන්ගෙ මානසික පසුබෑම අනෙකාට කියන්න තනිකම නම් මාරයි කියල තනිකම සාමාන්‍යකරණය කරන්න හදන්නෙ. 

මිනිස්සු වැඩක් සඳහා තමන්ගෙ පූර්ණ අවධානය දෙන්නෙ බාහිර පරිසරයෙන් හා පුද්ගලයන්ගෙන් වෙන් වෙන එක කරනවා. ඒක සෑහෙන පිරිසක් ඉන්න තැන වැඩක් කරනවට වඩා ඵලදායි වෙනවා බොහෝවිට. ඒත් තනිකම කියන්නෙ ඒ විදිහට වැඩක් හෝ අවශ්‍යාතාවකට තනිව ඉන්නව කියන එක නෙවෙයි. තමන්ට තමන් විතරයි සහ තමන්ට සෝශල් ⁣බොන්ඩ් එකක හැඟීමක් නැතුව පූර්ණ හුදකලා වෙන එක තමයි සෝශල් මීඩියාවල ගොඩක් ප්‍රචාරය වෙන්නෙ. හැබැයි ඇත්තට ම එහෙම දාන අය එහෙම පෝස්ට් එකක් දාන්නෙ ම තමන්ට නැති සෝශල් බොන්ඩ් එක ඇටෙන්ෂන් එක සෝශල් මී⁣ඩියා අස්සෙ හදාගන්න උනාට මේක අයිඩියෝලොජි එකක් විදිහට ගන්න බොහෝ දෙනා හිතන්නෙ තනිවෙන එක ප්‍රශ්නවලට උත්තරයක් කියල. තනිවෙන්න, හුදකලා වෙන්නෙ, මිනිස්සු මඟාරින එක නිසා තමන්ට ලොකු ශක්තියක් ලැබෙනවා කියල එයාල හිතනවා. මේ නිසා වැඩි වැඩයෙන් මිනිස්සු හුදකලා කරල, මානසික මට්ටම තවත් පහළට ඇඳල දානවා. සාමුහික ව පිළිතුරු ⁣හොයන්න ඕන තැන්වල තනිවෙලා ගැටලුව තවත් වැඩි කරගන්නවා. මේක පෝස්ට් එකක් දාලා තමන්ගෙ හුදකලාව සාධාරණීකරය කරන්න වගේ ම, ඇටෙන්ෂන් එක ගන්න කරන දෙයක් උනාට මේ කරන දේ නිසා සිද්ධ වෙන ප්‍රතිඵලය හානිදායකයි. මානව සම්බන්ධතා කඩා ඉහිරවන සුළුයි. ඒ නිසා පිරෙන්න තනි වෙනවා මිසක් හිස් වෙන්න තනිවෙන්න එපා. මානසික ගිලා බැහීම් සාමාන්‍යකරණය කරන්නත් එපා. 

ඉසුරු උදාකර යකන්දාවල