හැමෝම ළමා හිංසවය,බාල අපයෝජන ගැන ගිනි ඇවිලුනා වගේ දෙස් දොවොල් තියනවා. ඒත් මේ හැමදෙයකින් ම වෙන්නෙ අර අසරණ දැරියට වුණ හානියට යුක්තිය ඉටු කරන එක නෙවෙයි. ඊයේ දවසෙ ඉදන් බොරු ගොඩක් එක්ක මේ ප්රවෘතිය අවභාවිතා වෙනවා. සරෝජිනි පොල්රාජ් ඇමතිතුමිය මේ ප්රශ්නය පාර්ලිමෙන්තුවෙදි නොසළකා හැරීම ගැන සෑහෙන්න විවේචන ගණනාවක් ඒ අතර එල්ල වෙලා තිබුණා. ඇමතිවරිය මේ සිද්ධිය සම්බන්ධ ප්රකාශය කරන්නෙ දෙමළෙන්. ඒක දෙමළ වීම නිසා ම සිංහල සමාජය විසින් මේ තොරතුර සපුරා විකෘති කරල තියනවා. ඇමතිවරිය ගැටලු ව මඟ ඇරියා, දැරිය වැරදිකාරය කරන්න හැදුව වගේ වැරදි තොරතුර ගණනාවක් සංසරණය උනා (ඇමතිවරියගෙ ප්රකාශය මේකත් එක්ක අමුණනවා. මේ සම්පූර්ණ පාර්ලිමෙන්තු සංවාදයත් ඕනි කෙනෙක්ට බලන්න පුලුවන් ඕනිනම්). සංවාදය මේ අසත්ය පුවත් එක්ක බැඳිල විවෙචනය කළා මිසක් කිසිඳු ප්රගතිශීලී මැදිහත් වීමක් ගැන සංවාදයක් නෑ. ආණ්ඩුවට සම්බන්ධ පුද්ගලයෙක් දැරියට අපහාස කිරීම නිසා ඇය සිය දිවි හානි කර ගත්තා කියන චෝදනා ව සමාජ මාධ්යයේ ඇති තරම් කතා කළත් ඇමතිවරියට අනුව මේ සම්බන්ධයෙන් අධිකරණ ක්රියාමාර්ගයක් කරල නෑ. මේ නිසයි ඉක්මනට මේ ගැටලුව අධිකරණය අරගෙන යා යුත්තේ.
ඒත් ඇත්තට ම, සමාජ මාධ්ය ඇතුලෙ මේ ගැටලුව එක්ක සෙල්ලම් කර කර ඉන්නවාට වඩා සිවිල් ක්රියාකාරිකයින්, නීතීඥ එකමුතු එකතු වෙලා අධිකරණය ක්රියාමාර්ගයක් මේ දැරියගෙ දෙමාපියන් එක්ක එකතු වෙලා ක්රියාත්මක කරන්න ඕනි. කියෙවෙන විදිහට දැරිය දිවි නසාගෙන තියෙන්නෙ පසුගිය අප්රේල් 29 වෙනිදා. එදින ඉදල මේ වගේ සමාජ අවධානයක් හමිබෙනකනුත් ඇයි දැරියගෙ දෙමාපියන් මේ සම්බන්ධයෙන් අධිකරණ ක්රියාමාර්ගයකට නොයන්නෙ? දෙමාපියන්ගේ දැනුවත්කමක් නිසා හෝ කාගෙහරි පෙළඹවීමක් නිසා හෝ මේ සම්බන්ධයක්න් පැකිලෙනව නම් ඒ සම්බන්ධයක්න් සිවිල් සමාජය වහා ම කටුයුතු කරන්න ඕනි. ඒ වගේ ම යළි සේවය පිහිටෙව්ව ගුරුවරයා යළි සේවයේ පිහිටවන්න පුලුවන් ඔහු සම්බන්ධයන් තියෙන චෝදනා බරපතළ නැත්නම් විතරයි. ඒත් මේ සමාජ මාධ්යයේ කියන විදිහට දරුණු ගණයේ අපරාදයක් අධිකරණය නිදැල්ලෙ යන්න සලස්වල තියෙනව නම් නඩුව යළි කැඳවීම සඳහා අධිකරණයට යා යුතු යි. මේ කිසිවක් නොවී, මේ කිසිවක් පිළිබඳ ව කිසිදු තැකීමක් නොකර සාවද්ය තොරතුරක් පස්සෙ පටු වාසි ඔස්සෙ මේ ප්රශ්නෙ වවාගෙන කන දෙයක් මේ වෙන්නෙ. මේ නිසා මේ දැරිය වෙනුවෙන් ඉටු වෙන්න තියන යුක්තිය යට යනවා. පටු අරමුණුවලට රටේ සංවේදි ප්රශ්න අතිශයින් නින්දිත හා තිරස්චීන විදිහට අවභාවිතා කරනවා.
වහා ම මේ දැරියගෙ ගැටුල ව අධිකරණ ක්රියාමාර්ග සඳහ යටත් කරන්න ඕනි වගේ ම දේශපාලන තන්ත්රයේ හෝ සමාජ මාධ්යවල කෑ ගහන අයගේ සාක්ෂි වෙනුවට සැබෑ සාක්ෂී ඔස්සෙ විභාග කරල මේ දැරියට යුක්තිය ඉටු කළ යුතු යි. සියලු දෙනා මේ කාරණාවට අවධානය යොමු කළ යුතුයි.
( වැරදි ලෙස අර්ථකථනය කරන ලද දෙමළ බසින් කළ Saroja Paulraj ඇමතිවරියගේ ප්රකාශයේ සිංහල උපසිරැසි සමඟ පහතින්)
https://www.facebook.com/share/v/1AeDiSMf8e/
ඉසුරු උදාකර යකන්දාවල
Comments
Post a Comment