ගොඩක් අය ගොඩක් විදිහට එක එක්නෙගෙ අවුල් ගැන අහනවා. ඒක නිකං බැඳීම් අතර තියෙන දෙයක්. හැබැයි මේ දේ ගොඩක් අයට නෝට් වෙලා ඇති කියල හිතෙනවා. සමහර අය අපිව සනසන්න වගේ අපිට රිදුනු දේවල් අහනවා. එයාලා නිකං ඒ වගේ දේවල් අහන්නෙ එයාල අපේ දුක බෙදා ගන්න අහනවා වගේ. ඒ ගොඩක් අය මේ වගේ දෙබස් කියනවා.
" ඔයාට මාර අවුලක් නේද උනෙ."
" අඩෝ එදා මොකද බං උනේ."
" උඹට සර් බැන්නා නේ ලොවෙත් නැති වෙන්න."
"මොකක්ද අර එදා උනෙ."
මේවා ගොඩක් වෙලාවට අහන්නෙ 'ලා හිනාවක්' එක්ක. ඊට පස්සෙ හැබැයි එයාලා අපිට උදව් කරන්න වගේ උපදෙස් ටිකක් එහෙමත් දෙනවා. ඒත් ඇත්තට ම ඒවා අහන්නෙ අපිව පාරන්න, පරණ දේ මතක් කරන්න වගේ ම තව මොනවහරි ඕපදූපයක් හොයාගන්න.
සමහර අමිහිරි සිද්ධි තියනවා ඒ වගේ සිද්ධියක් උනා ම ඒක ගැන අහන්න ඕනි උනත් අහන්නෙ නැති යාලුවෝ. එයාලා ඒ ගැන කතා නොකර එහෙම දෙයක් නොවුණු ගානට වෙන දේවල් කතා කරනවා. අපි දන්නවා මෙයා හරි නම් අපෙන් මේ සිද්ධිය අහන්න ඕනි කියල. හැබැයි, ඒක නොකර අපිව අපහසුතාවයට පත් නොකර,ඕපදූප හොයන් නැතුව වෙන දා වගේ සාමාන්යය කතාවක් දාගෙන ඉන්න අය ඉන්නවා. එයාලා තමයි ඇත්තට ම දුක බෙදාගෙන අමිහිරි ඇත්දැකීමකින් අපිව නෝමල් තත්වයට ගේනේනෙ අපිට නෝමල් විදිහට සළකලා. ඉතිං දුක බෙදා ගන්නවා කියන්නෙ දුක ගැන අහන්නෙ නැතුව ඉන්නවා කියන එක වෙන්නත් පුලුවන්. කෙනෙක් තමන් ගැන හිතනවා හරි දුක බෙදා ගන්නව කියන්නෙ නිහඬව ඉන්නවා කියන එක වෙන්නත් පුලුවන්.
ඉසුරු උදාකර යකන්දාවල
Comments
Post a Comment