බණ්ඩ (Waruna Priyan Bandara) මේ පෞද්ගලික අර්ථයෙන් කියන්න හදන අදහස ඇතුළෙ ටෙක්නිකල් ගැටලුවක් තියනවා. මේකෙ කියන විදිහට ලංකාවෙ ගොඩක් දෙනෙක් අධ්යාපනය ලබන්නෙ එයාලගෙ ආසාවෙන් කියන පූර්ව විනිශ්චනයක ඉඳල. ඒත් ගොඩක් අය ලංකාව වගේ රටක අධ්යාපනය ලබන්නෙ තමන්ගෙ සමාජ මට්ටටම වැඩි කරගෙන සල්ලි හම්බ කිරීම කියන පරමාර්ථයෙන්. හැබැයි සල්ලි හම්බ කිරීම කියන පරමාර්ථයෙන් ලෝකයෙ ම ගත්ත ම විශ්වවිද්යාලවල ගිහින් සෑහෙන්න ඉගෙන ගෙන සල්ලි මාර විදිහට හම්බකරනවා කියන එක කරන්න අමාරු වැඩක්. මාර විදිහට සල්ලි හම්බ කරන්න ඕනි අය ඒක කරන්නෙ නෑ. ලංකාව ඇතුළෙ ගොඩක් වෙලාවට වෙන්නෙ ලංකාවේ නොමිලෙ අධ්යාපනය ලබා දෙන නිසාත්, ඒක විශ්වවිද්යාලය දක්වා තියන නිසාත් විශ්වවිද්යාල දක්වා ම ඉගෙන ගෙන ඔහේ එනවා. එහෙම නැතුව අධ්යාපනයට ආසාවක් හරි, ශාස්ත්රීය ගවේෂණයක් නෑ. මේ නිසා වෘත්තීය පුහුණවක් වගේ දෙයක් එක්ක ඉක්මනින් රැකියි ක්ෂේත්රයට එන්න ඕනි අය දහස් ගණනක් නිකරුණෙ තමන් ආස නැති ශාස්ත්රීය ක්ෂේත්රවලට ඇවිල්ල තදබදයක් ඇතිවෙලා තියෙන්නෙ. මේක හරියට, අධ්යාපන ක්රමය ආර්ථිකය එක්ක ගැට ගහපු දවසට බහුතරයක් වෘත්තීය හා කර්මාන්ත අධ්යාපනයක් අරගෙන රැකියා ආර්ථිකයට තරුණයින් ගමන් කරනවා. ශාස්ත්රීය ලැදියාවක් තියන අය ඒ මාර්ගයේ ගමන් කරල ඩිග්රි කරගෙන, පොත පත කියවගෙන යයි. ඒක කොහොමත් ටිකක් දිග මාර්ගයක්. මේ පොස්ට් එකෙයි බණ්ඩගෙ අදහසෙයි තියෙන ගැටලුව වෙන්නෙ ආස අය ආස දේ කරපු එක නිසයි අපිට මෙහෙම වෙලා තියෙන්නෙ කියල එන අදහස. ඒත් ඇත්තට ම වෙලා තියෙන්නෙ ඉක්මනට රස්සාවක් අරගෙන ඉක්මනට සල්ලි හම්බ කරල ඉක්මට ස්ථාවර වෙන්න ඕනි අය ලංකාවේ ඔහේ විශ්වවිද්යාලවලට පොම්ප කරනවා. ඒ නිසා ඒ අය ගොඩක් වෙලාවට මංමුලා වෙනවා. ඉගෙන ගත්ත ඩිග්රිය මෙලෝ වැඩක් නෑ කියල ගොඩක් ශිෂ්යයෝ බනින්නෙ ඒක නිසයි. මෙහෙම එන අය නිසා, සැබෑ ශාස්ත්රිය ආශයක් තියන අයගෙ ගමනත් අමාරු වෙන එක සිද්දවෙලා තියෙන්නෙ. මේ නිසා සිද්දවලා තියෙන්නෙ ආස දේවල් කරපු එකටත් වඩා, ආස නොකර ඒවා කිරීමේ ගැටලුවක් සහ ආස කරන ශාස්ත්රීය නොවෙන ඒවා කරන්න අවකාශයක් නැති එක. එහෙම බැලුව ම මෙතන ලොකු ම අසාධාරණය වෙලා තියෙන්නෙ ශාස්ත්රීය ආශාවක් නැති කාර්මික හරි වෘත්තීය පුහුණුවකින් ඉක්මට ශාස්ත්රී නොවන සාමාන්ය රැකියාවක් කරන්න බලාගෙන ඉන්න තරුණයට.
ඉසුරු උදාකර යකන්දාවල
Comments
Post a Comment