හයේෂිකාගෙ මේ සිද්ධිය දිහා බැලුව ම ආයෙ ඉතිං අලුතින් බලන්න ගන්න දෙයක් නෑ. සෝශල් මීඩියාවල හුමාරුවෙන අදහස්වලින් හරි ම පැහැදිලි ව පේනවා උතුරා හැලෙන ඊර්ෂ්යාවක්, ඇරියස් එකක් මිනිස්සු කවර් කරනවා කියල. ඒක ගොඩක් වෙලාවට නිදහස් අධ්යාපනය අනන් මනන් කතන්දරවලින් වහන්න හදනවා. ලංකාවේ ටියුෂන් පටන් ගත්තෙ අද ඊයෙක නෙවෙයි. ඒ වගේ ම, අඩු හරි වැඩි වශයෙන් ලංකාවේ අද වැඩිහිටියො වෙලා ඉන්න බොහෝ දෙනෙක් ටියුෂන් ගිහින් තියනවා. අනික විශ්වවිද්යාලවල ඉගෙන ගන්න අය ගොඩක් මේ සිද්ධිය නිසා හිත් රිද්දගෙන තිබ්බා. හැබැයි එයාලට අමතක ඇති එයාලගෙන් 99% ක් ම කැම්පස් ගියේ ටියුෂන් ගිහින් කියල. එතකොට ඒක ලංකාවේ රාජ්ය අධ්යාපනය කඩා වැටීමක් නෙවෙයි ද? ඇත්ත ම ප්රශ්නෙට ආවොත් ලංකාවේ රාජ්ය අධ්යාපනයේ ඉගෙන්වීමේ ගැටලු නිසා හා තරඟය නිසා ටියුෂන් ක්රමයක් බිහිවෙලා තියනවා. ඒක ලංකාවේ අධ්යාපන ක්රමයෙ තියෙන ගැටලුවක් වගෙ ම ඒ ගැන විධිමත් සිතීමක් එක්ක පිළිතුරක් හොයාගන්න ඕනි. එතකන් ටියුෂන් තියනවා. හැබැයි ඒ වගෙ ම ලංකාවෙ ටියුෂන් මාස්ටර්ල කියල හයේෂිකාට බනින අය ප්රොමෝට් කරන ගුරුවරු ටිකක් ඉන්නවා. එයාල නිසා නිදහස් අධ්යාපනය විනාස වෙන්නෙ නැද්ද? එහෙම කවුරුත් තනි පුද්ගලයො නිසා අධ්යාපන ක්රමයක් විනාස වෙන්නෙ නෑ. සිලබස් අප්ඩේට් නොවෙන එකේ ඉඳන් ගැටලු ගානක ප්රතිඵලයක් ලංකාවේ රාජ්ය අධ්යාපනය කඩා වැටීම කියන එක. ඒක තමන්ගෙ පෞද්ගලික ඇරියස් එකට මේ වගේ සුළු සිද්ධියකට ලඝු කරන එකෙන් ඇත්ත ප්රශ්නෙ යට යනවා. අහසින් මල් දාගන්න, රට වටෙන් ළමයි ගෙන්න ගන්න, BMICH එකේ තමන්ව උලුප්පන වැඩක් හදාගන්න බැරි නිසා ඒක ගැන තියන ඇරියස් එක මේකෙන් වහල වැඩක් නෑ. හැබැයි ඒ නිසා ලංකාවෙ තියන අධ්යාපනයෙ සමස්ත ප්රශ්නය, ටියුෂන් හරි වෙන හුදකලා කුඩා සිද්ධියකට යට කරගෙන තමන් මාර විමුක්තිවාදි, නිදහස් අධ්යාපනය වෙනුවෙන් සටන් වදින්නෙක් කියල පෙන්නගෙන තමන්ගෙ නග්න ඇරියස් එක කවර් එක පහත් පෙළේ වැඩක්.
ඉසුරු උදාකර යකන්දාවල
Comments
Post a Comment