ආශ්චර්යට ආදරෙන්!
ගොඩක් මිනිස්සු හිතනවා තමන් වැඩ කරන්නෙ සත්ය මත පිහිටල කියල. ඒත් ඇත්තටම අපි වැඩ කරන්නේ, වැඩ කරන්න ඕනි බොරුව මත පිහිටල. සත්තුයි මිනිස්සු වෙනස් වෙන්නේ ඒක මත. සත්තු ඒ අතින් පුදුම තරම් තාර්කිකයි. මිනිස්සු අතාර්කික යි. කවියෝ ගොඩක් වෙලාවට කවි ලිව්වේ මේ ලෝකේ නොවෙන, නො ඇල්ලෙන දේවල් ගැන. ඒත් ඒ කවි ඇත්ත කරන්න දහස් ගණන් ප්රේමවන්තයෝ තමන්ගෙ ජීවිත දහස් ගණනින් ඉතිහාසය පුරාවට පිරිනමල තියනවා. විශාල න්යායික පොත්වල තියෙන්නේ අපිට කවදාවත් අත් කර ගන්න බැරි සුරංගනා ලෝකයක් පිළිබඳ කතන්දර. හැබැයි ලෝකයේ දහස් ගාණක් මිනිස්සු කවදා කොහොම අත්පත් කරගන්න පුලුවන් වෙයිද කියල හිතාගන්න බැරි එහෙම ලෝකයක් උදෙසා ජීවිතෙන් කැපවෙලා දේශපාලනය කරගනවා. හැමතැනම මුලාව. හැමතැනම බොරුව. ඒත් ලෝකයේ අද අපි ඇත්තට දකින හැම ආශ්චර්යක් ම කාගෙ හරි බොරුවක්. ඒ බොරුව වෙනුවෙන් දිවි හිමියෙන් කැප උන මනුෂයෙක්ගෙ කැප කිරීමයි අපි ඇස් දෙකෙන් යථාර්ථය විදිහට දකින්නේ. මේ අපි ඇත්ත කියල දකින ලෝකයෙ හැම සුන්දර දෙයක් ම නිර්මාණය වෙන්නේ එහෙම. මේ ලෝකයේ සියලුම සුන්දරත්වයන්ට හිමිකම් කියන බොරු ලියූ හා ඒ බොරු ඇත්ත කිරීම සඳහා දිවිහිමයෙන් කැප වූ සියලු බොරුකාරයින් වෙනුවෙන් කරන අමරණීය ලේඛනයක් ලෙස මෙය අකුරු කරමු.
2021 | 10 | 2
Comments
Post a Comment