දඩයමක සාමන්යයෙන් පාර්ශවකාරයො වෙන දෙපාර්ශවයක් ඉන්නවා.එක කොටසක් දඩයම් කරගන්නවා.තව කොටසක් දඩයමට ගොදුරු වෙනවා.ඉතිහාසය පුරාවට එකිනෙකා මේ පාර්ශව දෙක මාරු කරගෙන රඟපෑවා.මේ සම්බන්ධය කොච්චර සාමන්යය ද කියනව නම් අද වෙද්දි ගොදුරු කරගැනීම හා ගොදුරු වීම අතිශයින් සාමන්යයි.අද වෙද්දි ඒක අපේ ජීවිතේම කොටසක්.එක්තර විදිහකට අපේ පැවැත්ම රැදෙන්නෙත් ගොදුරු වීම හා ගොදුරු කරගැනීම මතමයි.ඒක හුස්ම ගන්න තරම් හරිම සාමන්යයි.පන්තියේ වෙනියා තෝරන විභාගයකට පොර බඳනවා කියන එකේදි ම දරුවෙක් දඩයක්කාරයෙක් වෙනවා.තව දරුවෙක් දඩයමක් වෙනවා.හැබැයි අපි අමතක කරගන්න දේ තමයි ඒ ළමයි දෙන්නම මේ පද්ධතිය ඇතුළෙ ගොදුරක් කියන එක.ඒ කියන්නෙ දඩයම විතරක් නෙවෙයි දඩයක්කාරයත් දඩයමේම ගොදුරක්.ගොදුර කෙතරම් දක්ෂ ලෙස තමා සතු කරගත්තත් ඔහු ගොදුරක් වෙලා ඉවරයි.මාක්ස්වාදය ඇතුළෙ අපට උගන්වල තියෙන්නෙ ඉතිහාසය ධනපතියාගේ ඉතිහාසය මිසක් සමස්ත පීඩිත මනුෂ්යාගේ ඉතිහාසය නෙවෙයි කියල.ඒ කියන්නෙ නිර්ධනය ගොදුරු කරගන්න ධනපති දඩයක්කාරයාගේ ඉතිහාසයක්.ඒත් ඒ ඉතිහාසය අපට සඟවන දෙයක් තියනවා.ඒ දඩයම සිදු කරන්නෙක් වීමේ විනෝදය, වේදනාව, පීඩාව හා කාන්සිය.ධනපතියාට හිමි ඉතිහාසයේ වීරත්වය තුළ අහිමි වන සත්ය මෙම පීඩාවයි.නමුත් පෙර කී ඓතිහාසික ඛණ්ඩාංක වෙනස් කරමින් වසන්ත ඔබේසේකරගේ 'දඩයම' චිත්රපටය තුළ ගොදුරු වන්නා මෙන්ම ගොදුර දැහැ ගන්නා පුද්ගලයාට ද එම දඩයමේම ගොදුර බවට පත් වන ආකාරයට ප්රේක්ෂක ඇස යොමු කරයි.චිත්රපටය තුළ ගොදුරු කරගන්නා විඳින මානසික ආතතිය තුළින් ඔහු කෙරෙහි අනුකම්පාවක් චිත්රපට තුළ ඇති කරන්නෙ අධිපතියාගේ වේදනාව ද ඉතිහාසය තුළට එකතු කරමිනි.මේ නිසා ගොදුර බවට පත්වන රත්නාට(ස්වර්ණා මල්ලවආරච්චි) වඩා ගොදුරු කරගන්නා බවට පත්වන ජයනාත්ට(රවීන්ද්ර රන්දෙණිය) ප්රේක්ෂකයා වඩ වඩාත් ඒකත්මික වීමකට තැත් කරයි.පාසල් දැරියකට දරුවෙක් දී පැන යන දඩකක්කාරී පිරිමියාගේ භුමිකාවට එම වරදින් ගැලවීමට මානසිකව සුභ පැතීමට චිත්රපටය නරඹන ප්රේක්ෂකයා ආශා කරන්නෙ මේ තත්වය තුළයි.එය ඉතිහාසය විසින් අමතක කරන ලද දඩයක්කාරයාගේ භුමිකාවට කරනු ලබන ඓතිහාසික උත්තමාචාරයක් බඳුය.අවසන් වශයෙන් දඩයමට ලක් වන්නා මෙන්ම දඩයක්කාරයා ද මෙම පීඩාකාරි සමාජ ක්රමය තුළ තවත් එක් ගොදුරක්ම පමණක් බව චිත්රපටය තුළ ඔබේසේකරයන් චිත්රණය කරයි.
️Title: Dadayama (1984)
Also Known As: Dadayama (1984)
Rating ⭐️: 7.9 / 10
(7.9 based on 24 user ratings) | Drama | |
Release Info: 11 June 1984 (Sri Lanka)
Genre: 🎭 #Drama
Language: #Sinhalese
Country of Origin: #Sri Lanka
Story Line: A woman plots her revenge after being duped by a slick, ruthless man who impregnates her and tries to bail out of marriage. Based on a true story.
Director: Wasantha Obesekara
Stars: Swarna Mallawarachchi Ravindra Randeniya Somy Ratnayake
- ඉසුරු උදාකර යකන්දාවල
Comments
Post a Comment